心跳FC横滨大乱斗
降班热门正面对撼
日职周六独脚戏，清水心跳主场斗FC横滨；两队季前都被视为降班热门，清水心跳踢法有前冇后，今季联赛连盃赛8场主场入15球、失20球，总入球全开3球或以上，遇上同级对手更加唔会死守，2.5球嘅入球大乃不二之选。
心跳上季联赛以第12名过终点，但只比尾3嘅湘南比马多3分，计实力处于榜下游，而且心跳上季34场联赛失69球，係全季日职失波最多球队，不过呢班波锋力不俗，上季入球数字比前列嘅大坂樱花更多，今季阵容又冇太大变化，几乎係出多过入，贯彻上季攻强守弱特色，联赛连盃赛8场主场只有1场冇入波，其馀7场共轰15球，反而防线就场场有失波。心跳今季8场主场从未试过打和，足证球队争胜决心十足，有利製造入球。
事实上由对赛往绩去讲，清水心跳取得3胜1和明显喺FC横滨之上，双方2016年喺日乙碰头两次，心跳就以3比0、2比0双杀对手，心理上佔有优势。而且心跳后劲超强，入球最多时段集中喺下半场30至45分钟，偏偏FC横滨喺同时段就失波最多，食到应一应。
横滨门将被禁倒戈易失波
新升班嘅FC横滨季前被视为降班热门球队之一，果然佢哋头9场联赛仅赢过另一支升班球队柏雷素尔，战绩低迷在预期之内，不过FC横滨近2场联赛接连于主场击败湘南比马及鹿岛鹿角，联赛榜升上第14位，球员信心大增，作客面对近况唔算突出嘅心跳，相信亦唔会太过保守，问题係由清水借用嘅门将六反勇治，被禁倒戈披甲，冇咗呢位近况大勇嘅守护神把关，FC横滨后防稳定性锐减，入球大开出机率亦大增。
