双方16强都淘汰强劲对手，曼城首次两个回合，同样以2比1赢波，总比数4比2淘汰皇马。里昂首回合主场1比0领先意甲班霸祖云达斯，次回合先开纪录下，被祖记连入2球输1比2，虽然两回合计被追平2比2，仍凭作客入球优惠晋级8强。
不过今场为一场过赛事，加上喺葡萄牙里斯本嘅光明球场开战，里昂犯错嘅空间大大减少，如果好似对祖记咁反输就要出局。当然，里昂亦唔係全面捱打，2018年佢哋喺欧联分组赛同曼城同组，被全面看澹下先作客以2比1搞掂曼城，之后返主场再同「蓝月亮」踢成2比2，面对攻力强横嘅曼城，里昂採取对攻战术收到奇效，唔排除今场会重施故技。
曼城锋力强劲，不论英超同欧联都取得唔少「士哥」，球队拥有多个得分点，加比尔捷西斯、奇云迪布尼、史达宁、菲尔科顿等侵略性强，拥有单打独斗实力之馀，而且踢法丝丝入扣，经常互相助攻入波，后备席上仲有马列斯同贝拿度施华可供选择，加上曼城近12场欧联淘汰赛11场开3球或以上，不妨再追2.5球大。
