哈马比跌Watt均细波扫雷
今日阿King整番条瑞典超过关，其中哈马比主场对奥雷布洛最有心水。哈马比啱啱喺打吡战惨败，返主场唔敢乱嚟；奥雷布洛近年畀哈马比食住，作客必定踢得保守，中位数2.5球嘅入球细值捧。
哈马比今季成绩跌晒Watt，开咧头10轮赢得3场，上仗斯德哥尔摩打吡惨吞马模3蛋，仲有巴西前锋包连奴未好番，锋力大减，主场出击亦唔敢轻举妄动。奥雷布洛近6次对哈马比全败，今仗会踢得较保守，佢哋开咧头10轮有7次开2球或以下，细盘有分头可作重心。
奥斯达辛斯残阵难赢希堡
至于同时间开波嘅两场波，先嚟米赞比主场对卡尔马，前者中场摩西斯奥保因伤上阵成疑，而卡尔马前锋尼斯科宁亦缺阵，加上近4次碰头有3次开2球或以下，再推2.5球细盘。最后奥斯达辛斯主场对希尔星堡，两队都係排紧下游，不过主队有查理柯尔克特、西蒙卡隆及菲历斯贺贝治等多位伤兵，「希堡」演出较开咧时改善，近5仗不败甚硬淨，受让坚笋拣让球客胜。
