斯德哥尔摩打吡撑马模
马模后衞 拉斯慕斯宾特臣
今晚除咗有意甲之外，仲有5场瑞典超，其中斯德哥尔摩打吡战，2哥马模主场硬撼哈马比。马模今季表现平稳，例如托禾伦等几名回流球员交足货，必乘胜追击死对头哈马比，上盘让半一不容错过。
「艾堡」米赞比旺入波
两军向来牙齿印甚深，今年仲有曾效力马模嘅巨星伊巴谦莫域，竟然做「叛徒」入股哈马比，更增添新仇。上季屈居亚军嘅马模，今季搵嚟前丹麦国脚「型佬」汤马臣执教，老将托禾伦离开澳职回巢帮拖，仲有艾锡泰连回流。其中艾锡泰连8次上阵已有5球进帐，包括上仗反胜卡尔马2比1省入两粒，若非末段宴客已「戴帽」，难怪马模连赢2场重上正轨。
相反，哈马比开咧后9仗联赛赢得3场，只在中下游徘徊，令人失望，加上马模近5次联赛主场全胜哈马比，摆明格食格，有力赢今场打吡攞威。
至于同时间3哥艾夫斯堡作客米赞比，两队近况都颇飘忽，艾夫斯堡虽于上仗击败佐加顿斯，但始终唔多信得过。睇番艾夫斯堡对米赞比近5次碰头，有4次开3球或以上，2.5球嘅大盘更可取。最后係墨超圣路易斯体育会主场对祖亚雷斯，受疫情影响，喺1月开打嘅墨超次只踢咗10轮就被迫腰斩，因此今仗係墨超首揭幕战；两军喺腰斩嗰季只排中下游，何况停咗4个月唔慌有态，捧2.5球嘅入球细更划算。（周五上午10时开赛）
