阿仙奴利物浦玩大佢
利物浦王牌穆罕默德沙拿
豪门对撼射手斗数胡
英超周四凌晨上演重量级大战，尽最后努力争夺欧霸盃资格嘅阿仙奴，会喺酋长球场迎战今季盟主利物浦。「兵工厂」主场出击不容有失，利物浦喺冇压力下出赛亦可尽情斗攻，加上两大豪门近年对战经常上演「入球骚」，激战可期，中位数3.5球嘅入球大值得一试。
阿仙奴上场联赛输畀热刺后，距离第7位嘅锡菲联4分，如果要透过联赛拎欧霸盃入场券，最后3轮联赛基本上係不容有失，今仗主场出击一定要以3分为目标。
拿卡锡迪重拾射门鞋
阿仙奴近期失分，好大程度係因为防守经常出现低级失误，但进攻表现其实唔差，箭头拿卡锡迪最近重拾射门鞋，小将布卡约沙卡同尼高拉斯比比亦都上力，阿仙奴进攻更见流畅，加上王牌前锋奥巴美扬近5场联赛主场入6球，为争夺金靴奖肯定会落力数胡。
利物浦已经赢得冠军，可惜上场畀般尼逼和，今季主场联赛连胜纪录断缆，依家目标係要以超过100分完成球季，球员冇压力下可以轻鬆作战，自然可以放胆进攻，穆罕默德沙拿及沙迪奥文尼两大射手都想提升入球数字，肯定会向阿仙奴疯狂发炮。
值得一提嘅係，阿仙奴近年同利物浦交锋不乏戏剧性比数，季初联赛盃就曾经踢成5比5平手，睇番阿仙奴近9次对住利物浦，有8次总入球开4球或以上，今场必追3.5球嘅入球大。
