爱斯宾奴冇退路大闹巴塞
今晚西甲上演加泰罗尼亚打吡，巴塞隆拿主场斗爱斯宾奴。巴塞目前落后皇马4分，为争标不容再失；爱斯宾奴今场再失分就肯定降班，就算牌面低一线都要尽砌。两军近5次联赛喺鲁营球场碰头有4次开4球或以上，3.5球大盘有买趁早。
巴塞上场联赛作客大炒维拉利尔4比1，仍然落后榜首皇马4分，联赛得番4轮已冇失分空间，佢哋近5次联赛主场对爱斯宾奴全胜，而且今季17场联赛主场豪取15胜2和，胜算极高，不过球队今季防线出现唔少漏洞，17场联赛主场得7场冇失波，就算对住下游球队如马略卡、艾拉维斯及切尔达等均有失波，想保清白身唔係易事。
失分即降班
作客嘅「爱奴」近6场联赛5负，现时落后尾4嘅艾拉维斯11分，如果今场失分便宣布护级失败，即使馀下4轮全胜，仲要寄望其他护级对手失分，故此已无退路。爱斯宾奴今季首循环主场2比2踢和巴塞，有入波能力，今仗首选3.5球大盘。
