今晚9点半直播两场德乙纽伦堡再追半场和
今晚9点半直播两场德乙
德乙今晚煞科，9场比赛全部喺晚上9点半开波，《东网》两场直播集中喺护级赛区；先讲基尔主场对纽伦堡，排第15嘅纽伦堡（下图）目前领先尾3嘅卡尔斯鲁厄2分，但得失球差输蚀，如果佢哋和波或输波，卡尔斯鲁厄喺另一边厢击败格雷特霍夫，纽伦堡就要踢附加赛，即使係咁相信佢哋作客会睇定嚟踢；纽伦堡复赛后8场联赛有6次开半场和，今场不妨再追。
韦恩让唔起圣保利
另一场《东网》直播由韦恩主场对圣保利，韦恩同包尾嘅特雷斯登一样得31分，落后尾3卡尔斯鲁厄3分之馀，得失球差仲输成条街，韦恩同特雷斯登基本上已冇得救，而且韦恩近7场联赛输6仗，今场仲有联赛入19球嘅首席射手舒查夫拿停赛，何来本钱让波？捧圣保利让球客胜。
