仁川联江原专搞大骚
仁川联前锋 史提芬穆高沙
近7次交手炮製29球
今晚韩职独脚戏，尾2嘅仁川联主场迎战「5哥」FC江原。仁川联上场防线崩溃，输够四个一皮惨不忍睹，相反江原上仗勇挫全北汽车，信心爆棚，今场必定乘胜追击，不过呢班波客场麻麻，而且两军近年碰头例演入球骚，不妨转捧2.5球嘅入球大。
仁川联一向都係韩职传统弱旅，年年都护级咁滞，今季头3轮联赛只得2和1负，仲全部食白果。直至上轮对浦项制铁，靠金浩男于上半场远射得手，先至取得今季首个士哥，可惜防线甩漏多多，最终惨败1比4，队长兼入球功臣金浩男，仲喺下半场初段因伤退下火线，今仗即使赶及上阵，演出亦冇保证，加埋10号尼日利亚前锋基轩迪膝伤唔出得，黑山箭头史提芬穆高沙态沉，板櫈深度不足嘅仁川联，想变阵都冇人可用。
江原射手高武烈脚风顺
相反，江原今季表现唔错，头4轮联赛取得2胜1和1负，除咗首仗反胜FC首尔外，上场成75分钟打多个之下，喺主场以1比0击败衞冕冠军全北汽车，并且打破对手今季全胜兼不败之身，信心大增，好番冇耐嘅前锋高武烈，亦连续两场有士哥，脚风几顺，今场遇弱定必抢攻。不过江原客场战绩差劲，上季最后7仗作客联赛输咗6仗，今季首场作客又不敌尚州尚武，造访仁川联绝对唔係赢梗。
历史上双方交手23次，仁川联得9胜4和10负，完全係均势波。但係睇番两军近7次联赛交手，合共炮製29个士哥，有6次开3球或以上，转玩2.5球嘅入球大更加划算。
