海登咸前锋基连甸斯特
德乙海登咸主场对韦恩，海登咸喺联赛重开第一击作客惨吞波琴3蛋，争直接升班遇阻滞，重回主场必定加多两钱肉紧，希望全取3分，不过，今场对手韦恩亦有料到，由于需要护级斗心十足，上仗更爆冷击败史特加，士气正盛亦唔怕同海登咸斗攻，加上佢哋双闸齐齐停赛更易失波，今场捧中位数2.5球入球大。
海登咸上仗作客不敌波琴唔算太令人意外，但输0比3就真係估佢唔到，因为佢哋之前12场作客只失15球，但上场已经失3球，似乎球队后防停摆后未回到神。好彩海登咸嘅升班主要对手，由榜首嘅比勒费尔德到第5位嘅格雷特霍夫全部失分，海登咸先冇被大幅抛离。今仗海登咸返主场作赛，以佢哋近8场联赛主场5胜3和嘅表现，相信有力同对手一拚。
双闸停赛易失波
韦恩上轮以2比1绝杀前列分子史特加，可算係海登咸不被前列抛离嘅恩人，韦恩全取3分后，现时以28分排第16位，与12位嘅波琴只有3分距离，为咗尽快脱离降班漩涡，佢哋必定乘勇博喺海登咸身上抢分，因此一定唔会被动死守。
不过，韦恩今场后防都好大镬，左右两闸宾尼迪克洛卡同莫肯哈普特上仗齐齐攞黄牌，同样累积5黄需要停赛，对踢开3个后衞阵式嘅韦恩部署有好大影响，海登咸肯定睇住呢点丧攻。既然海登咸停摆前4场联赛主场3次开3球或以上，今场2.5球入球大稳开。
