今晚德乙直播戏码，汉堡主场火并达斯泰特。汉堡打法进取，搞到开季后场场有失波，达斯泰特上仗狂轰6粒，信心返晒嚟，癫凤斗狂龙实多波入，3.5球嘅大盘要捧场。
汉堡每季都被视为升班热门，但总系有头威冇尾阵，今季首轮反胜史浩克3比1开个靓头，点知之后两轮联赛只得1和1负，包括上仗以2比3输畀圣保利。虽然新加盟嘅基列素于联赛已入两球，但连同德杯在内，汉堡开咧4仗场场有失波，有前冇后嘅打法非常蚀底。
达斯泰特上场入6粒
至于开季头两轮输晒嘅达斯泰特，上仗突然开窍，主场以6比1狂数恩高斯达特，菲腊堤亚斯同卢卡比菲化均各自省两粒，卢卡比菲化已经连续两仗有士哥，明显挞着不容小觑，预计今仗会系斗攻格局，3.5球嘅入球大捧得过。
