墨城留力益晒狮吼
周二澳职大战，上星期提早锁定常规赛冠军嘅墨尔本城，将会作客布里斯班狮吼。墨城今季展示出超班实力，提早封王实至名归，不过球队目前注意力必定放喺季后赛同亚冠盃上，最后3轮联赛好可能会畀主力休息，今仗造访要为季后赛资格搏命嘅狮吼，战意输蚀，捧狮吼让球主胜。
墨尔本城上场赢中岸水手后，已经提早夺得常规赛冠军，由于今季赛程密集，教练基斯诺保将考虑喺最后3场进行轮换，占美麦卡伦、格力洛尼、干拿麦卡菲等主力将会获得休息机会，养精蓄锐喺季后赛争霸，高拿高夫斯基等「00后」小将有机会担大旗上阵，墨尔本城留力心态明显，争胜有一定难度。
檀崎龙孔信心返晒嚟
相反主队布里斯班狮吼战意高昂，球队上场2比1击败纽卡素喷射机后，继续佔据关键嘅第6位，而且更比其他对手踢少1场，抢分决心不庸置疑。日本球星檀崎龙孔上仗入波打破入球荒，信心返晒嚟，对狮吼冲击季后赛资格係一大喜讯。事实上，狮吼今季主场成绩颇为硬淨，近6场联赛主场1胜5和未逢败仗，今场抢分机会高，让球主胜抵玩。
