今晚西甲尾场前列大战，2哥巴塞隆拿作客皇家苏斯达。皇苏已经跌晒Watt，而且心繫下月初嘅西盃决赛，战意成疑，相反巴塞弗到漏油，队长美斯即将打破沙维嘅纪录，荣升「地上最强」史上出场最多球员，喺呢场里程碑之役梗係唔衰得，加上为争标不容再失，让平半可捧上
巴塞愈战愈勇，近17场联赛取得14胜3和佳绩，依家只落后1哥马体会4分，重燃争标希望，其中客场更豪取8连胜，包括击败西维尔同贝迪斯，一洗季初「客场虫」恶名。队长美斯喺上场大胜侯尔斯卡4比1省两粒兼交出助攻，今季联赛累积21球，成为西甲史上首位连续13季入球达20+球员，而佢喺「地上最强」生涯已披甲767场，假如今场上阵，便可超越沙维成为「地上最强」史上上阵次数最多球员，为咗争标，喺呢场里程碑之战一定搏到尽。
皇苏留力争西盃
季初一度高踞榜首嘅皇苏，踏入季中状态明显回落，唔单止欧霸盃32强出局，近17场联赛赢得5仗，逐渐退出争标行列，更落后4哥西维尔9分，连争下届欧联入场券都唔多乐观。由于疫情一直未有上演嘅上届西盃决赛皇苏对毕尔包，终于落实喺下月头举行，球队上下均希望打破34年锦标荒，重要性大过联赛多多声，为免喺西盃决赛前增添伤兵，今场或会作出轮换，相信难以喺「地上最强」身上攞到甜头，巴塞上盘抵玩。
