富咸搏命平手盘要撑
列斯联愈踢愈沉
周六凌晨英超独脚戏，富咸主场誓擒列斯联！富咸近排频频抢分成功，只同尾4嘅纽卡素相差2分，护级现曙光，相反列斯联愈踢愈沉，近6场输4场，而且近3战零入球，富咸近7次喺卡云农舍球场斗列斯联获4胜2和，加上列斯联作客伦敦球会例牌脚软，今季5场全部输晒，平手盘撑硬富咸。
两支升班球队今季表现完全唔同，富咸开季唔掂，但慢慢适应英超节奏，虽然排名一直排于尾3，但近期接连抢分成功，包括作客击败利物浦，与其馀中下游球队距离愈来愈近，只分别落后纽卡素及白礼顿2分及3分，只要维持呢个走势，随时有机会护级成功。
列斯联季初一鸣惊人，疯狂嘅进攻足球一时吓窒列强，不过经过漫长球季，已经畀人摸熟晒路，近6场输4场，呢6场首席射手班福特只係入得1球，搞到球队近3战零入波，近况惨不忍睹。
列斯联访伦敦例冇运行
两支老对手交手数据就梗係多，虽然今季首循环列斯联主场以4比3击败富咸，但其实富咸喺主场一向剋住列斯联，近7次喺卡云农舍球场交手获4胜2和1负，而且列斯联又特别怕作客伦敦，今季作客水晶宫、车路士、热刺、阿仙奴同韦斯咸全部败阵，今场富咸睇嚟可以秤高啲，平手盘真係几抵玩。
