白礼顿踢法保守细抗李城
力保欧联席位嘅李斯特城，今晚英超作客白礼顿。李斯特城「双核」占士麦迪臣同哈维班尼斯齐齐打柴，预计会稳住后防为原则；白礼顿踢法保守，近8场有7次总入球开2球或以下，2.5球入球细属稳阵之选。
双核缺阵削弱「狐狸」组织力
李斯特城自占士麦迪臣对阿士东维拉一役受伤后，近3场只得1和2负，原本周中作客般尼係赢波好时机，可惜另一中场哈维班尼斯亦喺前一仗斗阿仙奴重创，两人缺阵搞到「狐狸」组织力大减，虽然录得62%控球率，但就欠缺一针见血传送，16次射门得4次中目标，最终只能同般尼踢成1比1。今场对手白礼顿同般尼踢法差唔多，而且更重视防守，预料会再出现老鼠拉龟局面。
白礼顿2月初曾连赢热刺同利物浦，可惜之后无以为继，其实呢两场佢哋都係死守以1分为目标，有反击机会就试吓偷鸡，点知真係畀佢哋博到懵，相信今晚对「狐狸」都係同一套路，入波唔慌多。
