周日英超爆发中部大战，维拉主场对李斯特城。两军今季整体演出令人刮目相看，最主要係做到攻守平衡，尤其李城防守表现出色，今季作客只失10球，仅次于榜首嘅曼城，近6场联赛作客5次开2球或以下，今场对维拉会係拉锯战，中位数2.5球捧入球细。
今场係双方中场领军人物基亚利殊同占士麦迪臣嘅大战，今季维拉同李城表现出色，呢两位英格兰国家队「10号」球衣争夺者居功至伟。基亚利殊今季上阵22场贡献6个入波同10次助攻，占士麦迪臣则有7个入球并交出5次助攻，两人同样表现优异。
「狐狸」作客稳打稳扎
不过两军今季最出色嘅反而係防守，维拉实际失分同今轮前排第4嘅车路士一样，仍然有机会争夺欧洲赛资格，不过佢哋近况稍为回落，上周联赛只能同白礼顿摸和0比0，近4战只入3球，欠缺季初嘅锐利，好彩呢4场当中有3场能够保持不失，3仗都开2球或以下。
李城上场联赛主场以3比1反胜利物浦，继续向欧联资格进发，「狐狸」今季联赛作客12战只曾1败，靠嘅係稳健防守，佢哋近6场联赛作客5次开2球或以下，今场作客维拉公园相信都係先做好防守，再靠占美华迪、哈维班尼斯同占士麦迪臣反击，推介入球细。
