曼城入球骚送礼
重拾霸气遇着私房菜
英超周中快车上演强弱悬殊之战，曼城主场对白礼顿。「蓝月亮」已经重拾霸气，所有赛事6连胜，包括英联盃击败死敌曼联打入决赛，信心返晒嚟，转战英超可望延续强势。佢哋近5次联赛对白礼顿获得全胜，4次总入球达到4球或以上，首选3.5球入球大。
曼城曾于季初陷入低迷状态，至上年11月尾重回正轨，喺英联盃淘汰两支传统劲旅阿仙奴及曼联，上场英足盃亦轻取英冠球队伯明翰3比0，英超方面3场联赛都赢波，包括击败前列强队修咸顿及车路士，表现充满说服力。「蓝月亮」近日亦收到不少好消息，两位早前确诊新冠肺炎嘅主将加比尔捷西斯及基尔获加已经康复及完成隔离，令球队人脚更加充裕，即使阿古路因再度隔离缺阵，球队都有足够人脚应付比赛。
曼城现时排英超前列，仅落后竞争对手利物浦4分，但踢少2场，实际失分比红军更少，大有机会从后赶上，所以球队目标非常清晰，就係争取继续赢波，希望尽快进逼榜首，增加夺冠机会，今场主场出击势必尽数白礼顿。
白礼顿抢分唔会守
白礼顿近8场联赛不胜，但当中有5场打和，尚算有一定战斗力。事实上佢哋亦需要抢分护级，踢法唔能够太保守，佢哋上轮英超就同狼队斗攻，结果踢成3比3，上场英足盃斗纽波特郡凭互射12码险胜过关。曼城防线唔算特别稳阵，白礼顿今场争取入波并非冇可能，入球大属明智之选。
