狼队会喺英超早场主场迎战阿士东维拉，狼队向来踢稳守突击抢分，不过王牌前锋鲁尔占美尼斯缺阵影响反击威力，维拉经过季初小阳春后亦陷入低潮，近5场输足4场，今场会踢得保守，希望减少失波，预料战情胶着，2.5球入球细好路。
喺领队纽奴带领下，狼队于2018/19年球季升上英超，一直保持稳守突击嘅踢法，不论喺联赛抑或上季出击欧洲赛，主场成绩不俗，失波数字偏少，零封对手赢波更係家常便饭。翻查数据，以2.5球为中位数计算，佢哋连续两季英超于主场作赛都係7大12细，表现非常稳定。
狼队鲁尔占美尼斯缺阵
狼队近4仗主场赛事亦全开2球或以下，原本喺纽奴嘅作战体系，鲁尔占美尼斯负责反击工作，但呢名上季神射手头部重创休息，上场佢缺阵之下，对住利物浦就因为前面冇咗焦点，未能做好反击，作客惨吞「红军」4蛋，吸取过教训，相信今场狼队将会以防守行先。
阿士东维拉季初表现令人惊喜，但踢法上始终係基亚利殊「一人球队」，列强已经摸透维拉战术部署，佢哋最近5场联赛输4场，陷入低潮，今场为免再度全失3分，相信作客会踢得更谨慎，以1分为目标，预料今场入球数字唔会多，玩入球细最明智。
