阿特兰大抖足唔怕阿积士
今晚D组生死战天助阿特兰大！阿特兰大喺分组赛煞科作客阿积士，原本周日嘅意甲因天雨取消，球队多咗时间休息，养精蓄锐打硬仗，加上佢哋欧联作客醒神，近4场全胜，有力搞掂2连败嘅阿积士，下盘值捧。
阿特兰大原本周日联赛作客乌甸尼斯，因赛前落豪雨要取消，疫情下各队赛事频密，咁样多几日休息绝对係一大优势。此外佢哋赛前亦有好消息，早前被指确诊嘅鲁宾高辛斯最终证实未有受感染，呢位出击力强嘅德国左闸今晚可以候命。
阿积士现时落后阿特兰大1分排第3，想出线今场非胜不可，但佢哋上周作客输畀利物浦0比1后，返荷甲喺大部分主力出击下，主场竟以1比2不敌川迪，破蛋一球仲要係靠12码，可见呢支荷甲1哥近况下滑。
近4场欧联作客赢晒
两军首循环对赛，阿特兰大主场和2比2，睇番嗰场数据阿积士控球率55%，全场13射7中，阿特兰大控球率45%，全场14射7中，单以效率嚟计阿特兰大明显较佳，加上「阿大」近4场欧联作客全胜，包括2比0赢利物浦，每场最少入两粒，今场有力反客为主，受让平半下盘抵玩。
