阿特兰大入球骚得米
今晚D组另一场比赛，阿特兰大主场斗米迪兰特。阿特兰大上轮作客两球淨胜利物浦，重燃出线希望，今场趁地利势必更进取，佢哋向来攻强守弱，近3场欧联主场总入球全开４球或以上；丹麦球队米迪兰特笃定出局，冇压力下可望合演入球骚，首选中位数3.5球嘅大盘。
米迪兰特冇压力斗攻
呢组出线形势紧凑，头3队只有2分差距，1轮赛事足以出现翻天覆地改变。阿特兰大今轮遇上鱼腩米迪兰特，肯定抢攻力求3分。阿特兰大首循环作客都大炒4比0，可见两队实力有明显距离，今场有埋主场之利，随时数多几粒。不过佢哋防守麻麻，今届欧联2场主场合共失咗7球，就算联赛主场对中下游球队卡利亚里同森多利亚，都分别失2粒同3粒，想保住清白身唔係易事。
米迪兰特今届4场分组赛全败，但近2轮对阿积士都有波入，加上笃定包尾出局，放低心理包袱下，可望踢得更开放，有利双方製造入球，一于博入球大。
