西班牙伤锋半场和顶住
另一场A4组赛事，瑞士主场斗西班牙；瑞士目前4战得2分，今场再唔赢好大机会降班；西班牙想出线今场亦要全力求胜，不过连上届赛事在内，西班牙已经连续3场欧国联作客未赢过，加上新星安素法迪因伤长抖，进攻顿失重心，既然西班牙上述3场欧国联作客都开半场和，不妨再追多铺。
瑞士主场唔易食
瑞士今届分组赛4战2和2负得2分，落后德国、乌克兰4分，出线机会微乎其微，由于欧国联设降班制，如果瑞士今场赢唔到，来届极大机会降落B级联赛角逐，主场出击唔会坐以待毙；瑞士上场热身赛1比2作客不敌世界1哥比利时，半场曾经领先1比0，表现算唔错，话晒佢哋都係上届欧国联4强分子，近3次喺主场踢欧国联未输过，唔係冇还击之力。
西班牙依家领先德国、乌克兰1分，佢哋最后一轮会喺主场硬撼德国，就算今场赢波都未可肯定出线，如果失分甚至有可能失去榜首位置，所以仍然要搏尽，不过巴塞新星安素法迪早前喺联赛重伤长抖，料对进攻造成一定影响，呢名上月刚满18岁嘅前锋喺今届4场欧国联3次打正选、1次后备上阵，已成西班牙进攻核心，冇咗佢未必可以轻易咬入对手，一于再追半场和。
