今晚西甲独脚戏，艾尔切主场斗切尔达（图）；作为新升班球队，艾尔切今季成绩合格有馀，不过主场入球能力依然有待改进；切尔达今季8场联赛仅入5球，亦係目前西甲进攻火力最弱球队之一，两军交手唔慌多波入，首选2.5球入球细。
艾尔切攻弱守强
新升班嘅艾尔切开季6战3胜1和2负得10分，现稳站联赛榜中游位置，虽然上场佢哋作客1比3输畀贝迪斯，联赛4场不败告终，不过睇番之前4场联赛佢哋有3场保持清白身，防守唔算曳，唯一可以挑剔係前线锋力不足，头3轮主场联赛有2场交白卷，欠缺进攻板斧，相信呢场都係继续以守代攻。
切尔达今季8场联赛1胜3和4负，现以6分排第17位，成绩唔算理想，佢哋今季联赛只入5球，当中4球嚟自伊亚高艾斯巴斯，论攻力唔会好得过艾尔切；由于切尔达赛程编排失利，头4轮联赛主场要对巴塞、马体会及现排榜首嘅皇家苏斯达，最终只得1胜3负，仅能击败今季跌Watt嘅华伦西亚，反而作客出战不败率更高，4战取得3和1负，今场未必冇得打，既然切尔达今季4场联赛作客都开2球或以下，今场捧细最好路。
