阿仙奴低迷
今晚阿仙奴喺欧霸B组主场迎战爱尔兰球队邓达克。两军实力悬殊，但阿仙奴近况麻麻，嚟紧联赛仲要硬撼曼联，难免有所保留，加上佢哋踢欧霸Hea惯，初段要攻破死守嘅邓达克唔易，半场和有捧场价值。
老实讲，两队论规模同实力差天共地，但阿仙奴近况低迷，联赛2连败，上轮欧霸作客仅赢维也纳迅速2比1，都要先失波，若非换入奥巴美扬等主力，唔好话反胜，就算能否打和都成问题，亦睇得出一众副选如薛迪索拉斯、哥拉辛拿斯及艾利尼等，水准始终差啲。
阿仙奴人脚参差之馀，踢欧霸心态都曳啲，连同上届在内，「兵工厂」近4场欧霸半场全部同对手踢成0比0，初段往往咬唔入。何况佢哋嚟紧联赛要作客曼联，重要性肯定高过今场波，今场有所保留亦无可厚非。
邓达克遇强必死守
上轮输波嘅邓达克只係第2次参加欧霸分组赛，经验欠奉惟有将勤补绌，实行摆铁桶阵死守，希望有气有力下顶住半场先，半场和值得留意。
