阿积士19岁神箭抢手
阿积士上周喺荷甲联赛大炒芬洛13比0，19岁前锋拉辛拿查奥尔炮製5个入波同3次助攻，呢位布基纳法索前锋即刻引嚟欧洲列强关注，佢2年前先由南非联赛转投荷甲，据知，曼城、祖云达斯同巴塞隆拿都对佢有兴趣。阿积士欧联D组赛事会作客阿特兰大，预计拉辛拿查奥尔会正选上阵，相信两军会斗攻，肯定係入球骚。
萨克达国米确诊主力回归
首战爆大冷击败皇家马德里嘅萨克达，继续欧联B组征途，主场斗国际米兰。两军之前都受到新冠肺炎侵袭，但双方今仗都可以较佳阵容出战，萨克达4名首场缺阵嘅球员包括泰臣巴些路斯等，上周乌超对禾斯克拉已经后备上阵，今场可以搏杀。至于国米亦有尼恩高兰、巴斯东尼、艾舒利杨格同阿舒拉夫完全康复，又睇吓现时榜首嘅萨克达，可唔可以再爆冷成功喇。
