利华翻生格食格
周二凌晨德甲独脚戏，利华古逊主场斗奥格斯堡；开咧脱脚嘅利华上场欧霸盃主场狂数尼斯6比2，士气、信心翻晒嚟，相反奥格斯堡上场被RB莱比锡打破联赛不败身，今场再斗剋星形势唔乐观，热捧主胜。
奥格斯堡断缆影响信心
利华古逊今季放走夏维斯、禾兰两大进攻主力，开季头4轮联赛只得1胜，而且4场加埋仅入3球，表现唔算突出，不过佢哋上周中喺欧霸盃终于重拾射门鞋，主场出击以6比2大胜法甲球队尼斯，由于今场佢哋都係主场布阵，唔使担心体力问题，势必乘胜追击。
奥格斯堡头3轮联赛2胜1和不败，包括主场2比0击败夺标热门之一嘅多蒙特，表现令人眼前一亮，可惜上周佢哋喺主场淨吞RB莱比锡两蛋，今季联赛首尝败绩，恐对球员信心有影响。睇埋往绩，奥格斯堡近4次联赛对利华古逊全部输晒，加埋失10球只入1球，作客抢分唔容易，捧利华古逊主胜最稳阵。
