东京求反弹冲散红鑽
今晚日职快车尾场，浦和红鑽主场迎战3哥FC东京。红鑽状态曳到爆，仲有主力关根贵大坐波监，更加靠唔住；东京上仗意外输波，难得遇弱正係反弹好时机，作客让波摆明有计，上盘值博。
关根贵大停赛红鑽头痕
老牌劲旅红鑽今季跌晒Watt，唔单止日联盃已出局，近8仗联赛输咗4场，其中近3仗主场未赢过劲失7粒，毫无主场威力，依家沦为中游分子。虽然箭头李安纳度拿斯文图今季联赛有9球进帐，但其他队友未能分担入球重任，当佢被盯死后进攻即死晒火。最惨係呢位射手近期亦状态下滑，连续6仗食白果，难怪红鑽继续下沉喇，加上中场主将关根贵大要停赛，实力再打折扣。
FC东京上仗爆冷输畀鸟栖砂岩，相信係一时失手。查实佢哋近8仗联赛获5胜1和2负，走势唔曳，虽然今仗亦有射手迪亚高奥利华拉坐波监，但仲有巴西同胞艾达顿杜斯山度士同韦法臣李安度撑住，今仗造访沉到爆嘅红鑽，必趁机博反弹，作客让平半信心之举，上盘捧得过。
